عقیدہ رسالت

ختم نبوت اسلام کا نہایت اہم عقیدہ ہے۔ اس عقیدہ پر ایمان کے بغیر کوئی شخص مسلمان نہیں کہلا سکتا۔ ختم نبوت کے حوالے سے رسول کریم صلی اللہ علیہ وسلم کے بے شمار ارشادات کتب حدیث میں موجود ہیں جن میں سے چند ارشادات حسب ذیل ہیں۔

رسول اکرم صلی اللہ علیہ وآلہٖ وسلم کا ارشاد گرامی ہے:بے شک مجھے اللہ تعالی نے لوح محفوظ میں خاتم النبیین اس وقت لکھا ہوا تھا جبکہ آدم علیہ السلام ابھی پیدا بھی نہیں ہوئے تھے ۔ (مسند احمد، مستدرک حاکم)

رسول مکرم صلی اللہ علیہ وآلہٖ وسلم کا ارشاد مبارک ہے: بے شک رسالت و نبوت کا سلسلہ منقطع ہو چکا ہے۔ میرے بعد کوئی رسول ہیں اور نہ کوئی نبی ہے ۔ (سنن ترمذی، مسند احمد)

حضرت ابوہریرہ رضی اللہ تعالی عنہ سے روایت ہے کہ رسول اللہ صلی اللہ علیہ وآلہٖ وسلم نے فرمایا:

• مجھے دیگر انبیاء علیہم السلام پر چھ چیزوں میں فوقیت دی گئی ہے۔
• مجھے جامع کلمات عطا کیے گئے ہیں ۔
• میری رعب کے ساتھ مدد کی گئی ہے ۔
• میرے لیے غنیمتیں حلال کی گئی ہیں۔
• میرے لیے پوری زمین کو مسجد اور پاک کرنے والی بنا دیا گیا ہے۔
• مجھے تمام مخلوقات کی طرف رسول بنا کر بھیجا گیا ہے اور مجھ پر نبوت کا سلسلہ ختم کر دیا گیا ہے۔ ( صحیح مسلم)