سیرت طیبہ

بعثت نبوی سے مراد ہے کہ جب حضرت محمد رسول اللہ صلی اللہ علیہ وسلم کی عمر ۴۰ برس ہو گئی اور آپ ﷺ غار حرا میں اللہ کی عبادت میں مشغول تھے کہ ایک فرشتہ غار حرا میں آتا ہے،  حضرت محمد رسول اللہ صلی اللہ علیہ وسلم پر قران کریم کی سورہ علق کی ابتدائی پانچ آیات وحی کے طور پر اللہ کے حکم سے لاتا ہے اور کہتا ہے:  اقرا( پڑھیے) جس کے جواب میں آپ صلی اللہ علیہ وسلم نے فرمایا کہ ما انا بقاریٍٔ مجھے پڑھنا نہیں آتا ،وہ فرشتہ ان کو سینے سے زور سے لگا کر چھوڑتا ہے،تین مرتبہ یہ عمل ہوتا ہے،  پھر حضرت محمد رسول اللہ صلی اللہ علیہ وسلم جبرائیل کے ساتھ ساتھ پڑھنا شروع کر دیتے ہیں۔ یہ عمل بعثتِ نبوی کہلاتا ہے۔