مندرجہ ذیل سوالات کے تفصیلی جوابات تحریر کیجیے ۔
حضرت محمد راشدؒ روضہ دھنی کی علمی روحانی خدمات تحریر کیجئے
حضرت محمد راشدؒ روضہ دھنی نے درس و تدریس اور تصنیف و تالیف کے بجائے تعلیم و تربیت پر زور دیا۔ تا ہم آپؒ نے بعض کتابیں بھی تصنیف کی جن کا اجمالی ذکر کیا جاتا ہے۔
حضرت محمد راشدؒ روضہ دھنی تفسیر، حدیث، فقہ، تصوف، تاریخ، لغت اور دیگر علوم و فنون میں کامل دسترس رکھتے تھے۔ آپؒ کو عربی اور فارسی زبانوں پر عبور حاصل تھا۔ یہ فارسی لغت ہے جو ۳۵۰۰ صفحات پر مشتمل ہے جس سے آپ کے علمی کمال و فضل کا اندازہ کیا جا سکتا ہے۔
حضرت محمد راشدؒ روضہ دھنی نے کتاب مکتوبات شریف بھی لکھی کہ جس میں ان کے وہ ۴۶ مکتوبات ہیں جو آپؒ نے اپنے زمانے کے علماء کرامؒ، مشائخ عظامؒ اور بزرگوں کو لکھے جن میں تصوف اور شریعت کے مسائل کی مفصل شرح لکھی۔ یہ عربی اور فارسی زبان میں تھی۔
حضرت محمد راشدؒ روضہ دھنی کی ایک اور منفرد تصنیف شرح اسماء الحسنی ہے۔ اس کا اردو میں ترجمہ علامہ عبدالحق ظفر چشتی نے کیا ہے اور سندھی ترجمہ علامہ محمد اسماعیل میمن سکندری نے کیا ہے۔
حضرت محمد راشدؒ روضہ دھنی کی ایک اور منفرد تصنیف جو بالواسطہ طور پر تو آپؒ کی تصنیف نہیں ہے بلکہ آپ کے ارشادات کا مجموعہ ہے جس کا نام مجمع الفیوضات ہے۔ اس مجموعے کو آپؒ کے خاص شاگرد نے ترتیب دیا اور اس کا بھی اردو اور سندھی ترجمہ کیا جا چکا ہے۔
حضرت محمد راشدؒ روضہ دھنی کی یہ تصنیف ایک کتابچے کی شکل میں ہے جس کا نام آداب المریدین ہے۔ یہ کتابچہ اصل میں فارسی زبان میں ہے۔ اس کا ترجمہ علامہ حافظ محمد یوسف سکندری نے کیا۔
حضرت محمد راشدؒ روضہ دھنی کی یہ تصنیف صحبت نامہ بھی ملفوظات میں سے ہے جو ملفوظات صغیر کے نام سے بھی مشہور ہے۔
بر صغیر پاک و ہند میں ایک ممتاز حیثیت کی حامل خانقاہ ،خانقاہِ راشدیہ ہے جس کے بانی تیرہویں صدی ہجری کے مجدد، امام العلماء حضرت امام پیر سید محمد راشدؒ روضہ دھنی ہیں۔ حضرت محمد راشدؒ روضہ دھنی اپنے وقت کے بڑے مجدد تھے۔ حضرت محمد راشدؒ روضہ دھنی کی خانقاہِ راشدیہ کے سجادہ نشین کو پیر پگاڑا یعنی صاحب دستار کے لقب سے پکارا جاتا ہے۔
حضرت محمد راشدؒ روضہ دھنی نے لاکھوں لوگوں کو صراط مستقیم کی طرف ہدایت کا راستہ دکھایا۔ آپؒ نے روحانیت اور تصوف کا وہ مثالی کردار پیش کیا جس کی مثال نہیں ملتی۔ آپؒ سے بہت سی روحانی ہستیوں نے فیض حاصل کیا۔
حضرت محمد راشدؒ روضہ دھنی کو روضہ دھنی کا لقب کیوں دیا گیا؟
امام العارفین حضرت محمد راشدؒ روضہ دھنی پیر جو گوٹھ میں مدفون ہیں۔ آپؒ کی درگاہ پر شاندار گنبد (روضہ) کی تعمیر کے سبب آپؒ کو روضہ دھنی کے نام سے یاد کیا جاتا ہے۔