ذکر کے لغوی معنی یاد کرنا ہے ۔ اصطلاح میں اللہ تعالی کے ذکر میں مشغول رہنا اور خوشی و غم، پریشانی و راحت، امن و جنگ، خوشحالی و محتاجی ہر حال میں اللہ تعالی کو یاد رکھنا ، اس سے کبھی بدگمان نہ ہونا کیونکہ اللہ تعالی کے ہاتھ میں صرف خیر ہی ہے اور وہ کسی کے ساتھ ظلم نہیں فرماتا۔
رسول اللہ صلی اللہ علیہ وآلہٖ وسلم نے ارشاد فرمایا: مجھے سبحان اللہ، الحمدللہ ولا الہ الا اللہ واللہ اکبر کہنا ان تمام چیزوں سے زیادہ محبوب ہے جن پر سورج طلوع ہوتا ہے۔ (الحدیث)
: ذکر کی تین قسمیں ہیں: ٭قولی ٭قلبی ٭عملی
: ذکر الہٰی کے بہت سے فائدے ہیں۔ چند مندجہ ذیل ہیں۔
جو شخص یہ چار اصول اپنائے، اس نے اپنا ایمان مکمل کر لیا۔
جواب: حدیث میں سب سے فضیلت والا عمل لا الہ الا اللہ کو بیان کیا گیا ہے یعنی اللہ کے سوا کسی کو دوسرے کو عبادت کے لائق نہ سمجھنا اور اپنے اقرار و عمل سے اس عقیدے کا اظہار سب سے فضیلت والا عمل ہے۔
اس کلمے میں توحید یعنی اللہ کے ایک ہونے کا بیان ہے۔ یہ دین اسلام کا سب سے پہلا اور اہم ترین جزہے۔ کوئی شخص اس وقت تک مسلمان نہیں ہو سکتا جب تک وہ اللہ کی وحدانیت اور نبی اکرم صلی اللہ علیہ وآلہٖ وسلم کی رسالت کا اقرار نہ کر لے۔ باقی تمام اعمال کا ثواب اس وقت مل سکتا ہے جبکہ اس کلمہ پر عمل ہو اور اس کے بغیر کوئی نیکی قابل قبول نہیں ہے۔ اسی وجہ سے یہ کلمہ بلا شبہ بہترین عمل قرار دیا گیا ہے۔
دعا کے لغوی معنی حاجت، التجا، درخواست، مناجات کے آتے ہیں۔ اصطلاحِ شریعت میں دعا کا مطلب ہے صرف اللہ تعالی سے فریاد کرنا، حاجت طلب کرنا، مغفرت مانگنا، اس سے التجا کرنا۔ دعا کے بارے میں ارشاد باری تعالیٰ ہے: جب میرے بندے میرے بارے میں آپ سے پوچھیں تو کہہ دیجیے کہ میں یعنی اللہ قریب ہوں۔ ہر پکارنے والے کی پکار کا جواب دیتا ہوں جب وہ مجھے پکارے۔ (سورہ بقرہ، آیت: ۱۸۶)
جبکہ ایک حدیث میں دعا کی اہمیت اس طرح بیان کی گئی ہے: دعا عبادت کا مغز ہے۔(سنن ابو داؤد)
اسلامی ملک کے سرحد کی حفاظت کے لیے وہاں رکنا اور اللہ کی رضا کے لیے اسلامی سلطنت اور سرحد کی حفاظت کرنا بہت بڑی فضیلت ہے جس کے بارے میں ایک حدیث مبارکہ میں کچھ اس طرح فضیلت و اہمیت کو اجاگر کیا گیا ہے۔
حضرت سہل بن سعد رضی اللہ تعالی عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: اللہ کی راہ میں ایک دن سرحد یعنی اسلامی سلطنت کی نگہبانی اور حفاظت کرنا دنیا وما فیہا سے بہتر ہے۔ (صحیح بخاری)
علم ایک ایسی نعمت ہے جس کا حصول ہر مسلمان مرد و عورت پر فرض ہے ۔ اس کی دو اقسام ہیں:
٭ فرض عین ٭ فرض کفایہ
فرض عین علم سے مراد یہ ہے کہ ہر مسلمان کو اتنا علم حاصل کرنا ضروری اور لازمی ہے جس کے ذریعے وہ اپنی ۲۴گھنٹے کی زندگی اللہ کے حکم اور نبی صلی اللہ علیہ وآلہٖ وسلم کے طریقے کے مطابق آسانی سے گزار سکے جس کے ذریعے ایک مسلمان کو اسلام کے بنیادی عقائد حلال /حرام، پاکی /ناپاکی، جائز /ناجائز وغیرہ کا ضروری علم حاصل ہو جائے۔ یہ فرض عین علم ہر ایک مسلمان مردوعورت پر حاصل کرنا لازم ہے۔
فرض کفایہ علم سے مراد ہے کہ وہ علم جوہر مسلمان پر فرض نہیں بلکہ مسلمانوں میں سے چند لوگ حاصل کر لیں تو کافی ہے مثلاً دین کا مکمل علم حاصل کرنا یعنی مفتی وغیرہ بننا یا دنیاوی علوم و فنون کو سیکھنا، اس طرح کے علوم فرض کفایہ ہیں۔
اسلام کی بنیاد حدیث کی رو سے پانچ چیزوں پر رکھی گئی ہے جیسا کہ حدیث میں ارشاد ہے:
حضرت عبداللہ بن عمر رضی اللہ تعالی عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: اسلام کی بنیاد پانچ چیزوں پر رکھی گئی ہے: ٭ کلمہ لا الہ الا اللہ یعنی اس بات کی گواہی دینا کہ اللہ کے سوا کوئی معبود نہیں اور محمد صلی اللہ علیہ وآلہٖ وسلم اللہ کے رسول ہیں۔ ٭ نماز قائم کرنا ٭ زکوۃ ادا کرنا ٭ رمضان کے روزے رکھنا ٭ حج کرنا۔
روزے کی فضیلت کے بارے میں نبی صلی اللہ علیہ وسلم کی بے شمار احادیث ہیں، ان میں سے ایک حدیث تحریر کی جا رہی ہے۔
نبی کریم صلی اللہ علیہ وآلٖہ وسلم نے ارشاد فرمایا: جس نے رمضان کے روزے ایمان اور ثواب کی نیت سے رکھے تو اس کے پچھلے گناہوں کو معاف کر دیا جائے گا۔ (صحیح بخاری)
ایک حدیث قدسی میں روزے کی فضیلت کو اس طرح بیان کیا گیا: روزہ میرے لیے ہے اور میں ہی اس کا اجر دوں گا ۔ (بخاری و مسلم)
روزہ ایک ایسی عبادت اور اسلام کا اہم ترین رکن ہے جس کی مندرجہ ذیل شرائط ہیں:
٭ مسلمان ہونا ٭ عاقل ہونا ٭ بالغ ہونا ٭ مقیم ہونا ٭ صحت مند ہونا
رشوت ایک ایسی برائی ہے جس کے انفرادی اور معاشرتی زندگی میں بڑے برے نتائج اور نقصانات مرتب ہوتے ہیں جو درج ذیل ہیں:
اخلاق کا لفظ جمع ہے، اس کا واحد خُلق ہے۔ خُلق عربی میں عادت کو کہتے ہیں۔خُلقِ حسن کے معنی ہیں اچھی عادت اور اخلاق حسنہ کے معنی ہیں اچھی عادتیں، کردار کی خوبیاں۔بہترین اخلاقی اوصاف کو اخلاق حسنہ یا اخلاق فاضلہ کہتے ہیں۔
شریعت کی اصطلاح میں اخلاق حسنہ سے مراد انسانی سیرت و کردار کی وہ خوبیاں ہیں جو اس کی شخصیت کو نکھارتی ہیں اور اللہ تعالی کو پسند ہیں۔