حضرت ابو عبیدہ بن جراح رضی اللہ تعالی عنہ

حضرت حذیفہ بن یمان رضی اللہ تعالی عنہ بیان کرتے ہیں کہ نجران کے کچھ لوگ رسول اکرم صلی اللہ علیہ وسلم کے پاس آئے اور عرض کیا کہ ہمارے پاس کوئی امین شخص بھیج دیجئے۔رسول اکرم صلی اللہ علیہ وسلم نے فرمایا:  میں ایسا شخص بھیجوں گا جو واقعی امین ہے ۔ رسول کریم صلی اللہ علیہ وسلم کی بات سن کر صحابہ کرام کو اشتیاق ہوا کہ آپﷺ کس کو منتخب فرماتے ہیں!  آپ صلی اللہ علیہ وسلم نے ابو عبیدہؓ بن جراح کو منتخب فرمایا اور ان کا ہاتھ پکڑ کر فرمایا: یہ اس امت کا امین ہے۔ (صحیح بخاری)

البحر کے معنی ساحل سمندر کے ہیں۔ یہ اسلامی تاریخ کا پہلا سریہ تھا جو ہجرت کے ۷مہینے بعد رمضان سن  ا ہجری بمطابق ۶۲۳ء میں ہوا ۔نبی کریم صلی اللہ علیہ وسلم نے حضرت امیر حمزہ رضی اللہ تعالی عنہ کی امارت میں ۳۰مجاہدین پر مشتمل ایک دستہ روانہ کیا تاکہ وہ شام سے آنے والے قریش کے ۳۰۰ افراد پر مشتمل قافلے کا پتہ لگائے جس کی قیادت ابو جہل کر رہا تھا۔ اس دستے میں انصار میں سے کوئی شامل نہیں تھا۔ مسلمان اس قافلے کی تلاش میں عیض کی جانب سے بحر احمر کے ساحل پر پہنچے تو ان کا کفار مکہ سے آمنا سامنا ہو گیا،  دونوں جنگ کے لیے صف آرا ہو گئے ۔مسلمانوں کا اس طرح جنگ کے لیے تیار ہو جانا ابو جہل کے لیے بے حد حیران کن تھا، اس سے پہلے کہ جنگ کا آغاز ہوتا،  قبیلہ جہینہ کا سردار مجدی بن عمر الجہنی درمیان میں حائل ہو گیا۔ یوں جنگ ٹل گئی اور کفار اپنے گھروں کو اور مسلمان مدینہ واپس لوٹ گئے۔